Spartacus, genere liber Thrax, quondam militiam Romanam stipendiarius secutus est, sed aliquando fugit, captus est et, ex captivo servus factus, in ludo gladiatorio inclusus est.
Ibi circiter septuaginta gladiatoribus persuasit, ut pro sua libertate potius, quam spectatoribus voluptatis afferendae causa dimicarent.
Repulsis custodibus effractoque ludo, Spartaco duce, effugerunt servi et Vesuvium montem conscenderunt.